Grillspyd med philadelfiakrem og bulgur

Då har eg gått ut i ferie...Første fridagen starta med strålande sommerver, og eg kryssar fingrane for at det fortset slik;o) I morgon er det Jonsok/St. Hans, og tradisjonen tru vert det grilling, bålbrenning og flakedans ved grendahuset. Her har vi lagt jonsokfeiringa til næraste laurdag i mange år pga at det er dans...ein koselege tradisjon syneste eg:o) Maten er sjølvsagt viktig, og i dag presenterar eg grillspyd som og er lettvint å ta med.

GRILLSPYD:
6-800 gram biffkjøtt av storfe
6 reddikar
1 squash
1 purre
Ca 15 små sjampinjong

MARINADE:
1/2 dl olje
1 ss sherry
2 ss balsamicoeddik
1 1/2 ts salt
1 ts peppar
1 chili

Skjær passelege firkantar av kjøttet. Finhakk chili og bland saman marinaden. Legg kjøttet i ein plastpose og tilsett marinaden. La dette trekke i minimum 1 time.


Del småsoppane i to. Del reddikane i to. Kutt squashen i halvmånar og purren i tjukke ringar. Fyll opp spyda.

PHILADELFIAKREM:
200 gram philadelfiaost med vårløk
1 1/2 ts salt, evt chilisalt
1 ts peppar
Grasløk

Pisk opp philadelfiaosten og tilsett salt og peppar. Legg opp i små skåler og pynt med grasløk på toppen.


Bulgur lagast etter anvisning på pakken.

Om ein skal feire jonsok vekke, er dette likevel enkelt å lage. Tre spyda på forhånd og pakke dei inn i folie. Bulgur gjerast ferdig og leggast i ei tett boks, så held den på varmen forholdsvis lenge. Philadelfiakremen er berre å ta med seg i ei passeleg boks med tett lokk.

ENJOY THE MEAL:o))