Kyllingsaute med smak av middelhavet

Kylling er ein sikker vinnar...og det same er middelhavssmakane. Ein kombinasjon av dette vert rett og slett ein sikker vinnar:o)) Eg har denne gangen benytta meg av livechekylling. Denne kyllingen har stor bevegelsesfridom og eige uteareal. Her kan den gå fritt og vekse seg naturleg stor. Liveche tyder løpstikke på fransk, og urten er og kjend som kjærleiksurt. Navnet har kyllingen fått av di nettop denne urten er ein essensiel del av foret som er spesialutvikla og basert på lokalt korn.

DU TRENG:
4 liveche kyllinglår
Salt
Peppar
Chicken & steakkrydder
Paprikapulver
Olivenolje
4 sjalottløk
2 kvitløksfedd
1 boks hermetiske tomatar
1 ss kyllingfond
1 dl kvitvin
1/2 dl olivenolje
Saft av 1 sitron
20 svarte oliven
1 fennikel
2 ss frisk, finhakka timian
Ein neve basilikumblad
Fullkornsris
1 dl balsamicoeddik
1 ss paprikapulver

Kok ris etter anvisning på pakken. Erstatt 1 dl av vassmengda med balsamicoeddik. Tilsett i tillegg paprikapulver.

Gni kyllinglåra inn med olje, salt, kverna peppar, paprikapulver og chicken & steakkrydder. Smelt ned smør i ei vid gryte og brun låra godt på alle sider.Slå ned varmen og tilsett finhakka sjalott- og kvitløk. La surre med kyllingen i to-tre minutt. Tilsett deretter kvitvin, kyllingfond, tomatar, oppkutta fennikel og to ss timian. Bland godt saman og set på lokk. Kok under lokk i ca 30 minutt, og gjerne lenger..Bland så inn olivenolje, oliven og sitronsaft. Dryss over basilikumblad. 

Legg risen fint opp på tallerkane. Legg opp eit kyllinglår pr person og aus over rikeleg med saus og grønnsaker.

Server!!
VEL BEKOMME:o))