Ovnsbakte kotelettar med grønnsaker og ris

Dette er mat som skjuler duftene sine godt medan den står og godgjer seg, men når duftene slepp fri kjennest det heilt himmelsk ut på kjøkkenet:o)

DETTE TRENG DU:

Svinekotelettar

Salt 

Limepeppar

Cajennepeppar

Paprikapulver

2 fedd kvitløk

1 stangselleri

2 gulerøtter

3-4 champignon

1 boks ananas

1 gul paprika
1 løk(gul eller raud)

3 smakstomatar

Smør

Valgfri ris

Tortillachips med ostesmak

Krydre kotelettane med limepeppar, salt, paprikapulver og cajennepeppar. Eg berekna to kotelettar pr person(noko som sjølvsagt vart altfor mykje, men dei skal resirkulerast i ein annan matrett seinare i veka)

Smelt smør på steikepannene(eg steikte på to steikepanner) og steik ca 2 minutt på kvar side i sterk varme. Legg kotelettane over i ei langpanne. 

Slå ca 2 dl vatn over i kvar steikepanne og legg lokk over. Finhakk kvtløk som du har over i sjyen.La dette koke godt i 3-4 minutt. Dra deretter til sides...

Kutt opp grønnsakene og fordel utover kotelettane. Slå deretter over sjyen og dekk det heile med aluminiumsfolie. Set midt i ovnen på 200 grader og la stå i ca 1/2 time.

Kok ris i mellomtida.

Fyll opp ei skål med ris, fisk opp litt sjy som du blandar i risen. Deretter legg du skåla opp ned på tallerkenen, tek den vekk og så har du pent dandert ris.

Legg ved litt tortillachips, anrett deretter kotelettar og grønnsaker...server!!

BON APETIT:o)

Whoopie pies!!

Inne på bloggen til Maria fann eg oppskrift på desse herlegheitene som berre måtte prøvebakast. Desse er av amerikansk opprinnelse, og var utruleg gode...så dei vil nok bli laga fleire gangar her i huset i alle fall:o)

LEIT FRAM:
125 gram smør
150 gram mørk sjokolade(min 70 % kakao)
225 gram sukker
3 egg
1 ts vaniljeekstrakt(som eg ikkje har...brukte difor frøa frå ei vaniljestang)
250 gram kveitemjøl
30 gram kakao
1/2 ts bakepulver
18 marshmallows

FRAMGANGSMÅTE:
Smelt smør og sjokolade på svak varme eller i vannbad.
Visp saman sukker, egg og vanilje og vend inn sjokoladeblandinga.
Sikt i det tørre og rør forsiktig inn til alt er blanda.

La den stå litt for å "sette" seg..eg var litt ivrig på første brettet, og då var røra litt tynn...
Bruk ei spiseskei til å legge klattar utover på bakepapirkledd plate. Eg valgte å ha god avstand på bretta og fekk plass til 9 på kvart brett.

Sett eit brett midt i ovnen på 180 grader i 8 minutt.Legg så kakene over på rist til avkjøling.

Neste brett steikast i 7 minutt, ta ut brettet og snu kakene. Legg ein marshmallow på kvar kake, og set innatt i ovnen i ca 3 minutt.

Ta brettet ut av ovnen og set saman eit av dei varme kjeksa med marshmallow på og ein av dei delvis avkjølte frå rista. Trykk forsiktig ned slik at fyllet flyt utover og dekkjer flata inne i kjeksa.

La dei kjøle seg heilt ned, så er det berre å hive innpå!!

Men ver forsiktig...her er det fare for avhengigheit:o)

NYYYT!!

Gulasj

I går prøvde eg meg på gulasj for første gang, og har faktisk berre ein ting å sei: 
"Kvifor har eg ikkje tenkt på dette før??"
Dette er ein rett der langtidskoking er stikkordet...eg sette på maten kl. 15.00, og den var klar ca kl. 18.00. Det var mykje sukking, mange kjøkkenturar og lange blikk på komfyren...men når maten kom på bordet vart det heilt stilt...før det vart semje om at DETTE var det vel verdt å vente på;o)
Etter mange nettsøk og studier av oppskrifter, har eg tatt litt her, litt der og komt fram til min eigen versjon som er som følger:

INGREDIENSAR:
900 gram høyrygg av storfe
2 løk
2 fedd kvitløk
1 purre
2 gulerøtter
1 raud paprika
3 poteter
2 kjøttbuljongterningar
2 ts paprikapulver
1 ts oregano
3 ss tomatpure
1 ss sukker
Salt
Peppar
Vatn
2 ss smør
Olje

Kutt løkane i terningar og surr dei mjuke  og blanke i olje. Finhakk kvitløen og skjør kjøttet i terningar. Tilsett kvitløken og la surre litt for du tilsett kjøttet.
Steikast til det får ei fin, brun steikeflate.Tilsett vatn som såvidt dekkar kjøttet og bland nedi buljongterningane. Dette sto og putra i ca 2 1/2 time. 

Skjær purre i rundingar, poteter i firkantar og paprika og gulerøtter i stavar. Eg la det i isvatn fram til bruk...
Tilsett tomatpure, sukker og krydder, bland godt inn.
Tilsett så grønnsakene og bland nedi. Set på lokket og la stå til grønnsakene og potetene er møre og fine:0)

Aus opp i suppetallerkenar og server saman med rykande ferske nanbrød!!

ENJOY YOUR MEAL:o))

Nanbrød

Kjempegode brød som passar som tilbehør til det meste!!

DU TRENG:
500 gram kveitemjøl
1,5 ts bakepulver
1 ts salt
1 ss sukker
0,5 pk tørrgjær
3 dl youghurt naturell
4 ss olje
1 egg

Linselusa mi;o)

Bland mjøl, bakepulver salt, sukker og gjør ei ein bolle. Bland saman og tilsett egg, olje og youghurt. Elt saman til ei glatt og smidig deig. Settast vekk og hevast til dobbel størrelse.


Varm opp ovnen til maks temperatur. Set inn steikebrettet med bakepapir på.


Del deiga i åtte like store delar. Kjevle dei ut til runde leivar, omtent 1/2 cm tjukke. 
Legg leivane på plass på steikebrettet, eg fekk plass til fire brød om gongen på mitt brett. Skal stå på øverste rille i steikeovnen. Brøda skal steikast mellom 3 og 8 minutt. Her er det viktig å følge godt med. Mine sto omtrent 5 minutt, og då var dei passeleg steikte.

VELBEKOMME!!

Kjøttdeigform

Lettvint og god kvardagsmiddag som gjorde stor lykke her i huset!!

DU TRENG:
8 store poteter
3 dl mjølk
Salt
Peppar
2 ss margarin
2 pk kjøttdeig
(eg hadde ein vanleg og ein kylling)
1-2 løk
2 fedd kvitløk
1-2 gulerøtter
1 selleristang
Nokre bukettar blomkål
Nokre bukettar broccoli
Ost(valgfri)

Skrell potetene, og kutt dei opp i firkantar. Kokast godt møre. Stapp dei deretter raskt saman med ein potetstappar. Tilsett margarin og litt varm mjølk. Stapp vidare. Stapp inn litt og litt mjølk til passande konsistens. Smak til med salt og peppar.
Bre potetstappa utover botnen i ei eldfast form.

Steik kjøttdeigen. Tilsett finhakka løk og kvitløk og surr vidare. Dersom du har sjølverklærte grønnsakasallergikarar/hatarar i hus, kan du kutte opp grønnsakene og surre dei mjuke i ei steikepanne for seg. Men dersom alle likar grønnsaker er det berre å tilsetje dei i kjøttdeigblandinga.

Bre kjøttdeigen utover potetstappa. Hos meg er det då to mindreårige grønnsakasallegikarar, så då la eg grønnsaker utover i halve forma.
Topp med ost. Eg brukte mozzarella sidan det var det eg hadde i hus.

Midt i ovnen, 200 grader til osten er gyllen og godt smelta.

BON APETIT!!

Laksetortilla

Dette prosjektet var eg spent på sjølv, men det vart utruleg godt:o)

DU TRENG:
1 pk tortillalefser/wraps
500 gram skinn og beinfri laksefilet
1 raudløk
Mais
Tomatar
Agurk
Avokado
Paprika
Cashewnøtter
Isbergsalat
Ruccolasalat
Tacokrydder
1 glas tacosaus
1 dl vatn
Mosarellaost
Rømme

Pakk lefsene inn i folie og set i ovnen på 150 grader.
Skjær laksen opp i terningar omtrent på størrelse med sukkerbitar.

Del løken i to, og kutt i halvringar. Surr denne blank med olje og tilsett litt tacokrydder. Tilsett så 1 dl vatn og bland inn tacosausen. La dette koke opp.

 Tilsett så laksen og bland den forsiktig inn. Set på lok og la surre nokre minutt.Tilsett cashewnøtter like før servering.

Kutt opp grønnsaker og legg klart på ein tallerken. 
Når fisken er ferdig er det berre å fylle lefsene med salat og grønnsaker. Tilsett så fisk og saus og topp med ost og rømme.

ANBEFALAST!!

Dersom det vert vanskeleg for ungane å svelge ideen med laks, kan ein alternativt bruke steikte pølser, som eg måtte ty til;o)

ENJOY:o)

Vegetarpai

I går hadde vi ein velsmakande vegetarpai til middag som absolutt kan anbefalast:o)

PAIBOTN:
5 dl kveitemjøl
200 gram kjøleskapskaldt smør
4 ss kaldt vatn


Ha mjøl over i ein bolle. Skjær smøret i terningar og bland det ned i mjølet til du får ei grynete masse. Tilsett deretter vatnen og kna raskt saman til ei deig.Klem den jamnt ut i botnen av ei paiform, eller ei lita langpanne som eg brukte.Prikk botnen med gaffel og la deretter stå kjølig i 15 minutt.


Varm steikeovnen til 220 grader og forsteik paibotnen i ovnen i 10 - 12 minutt.

FYLL:
1 liten purre
1 stang stangselleri
1 liten gul paprika
2 ss smør
4 dl reven ost


Finsnitt purren og kutt stangselleri og paprika i passande bitar. Surrast i smør til det vert passe mjukt. Fordel deretter grønnsaker og ost i paibotnen.

EGGESTAND:
1 beger lettrømme
3 egg
1 ts salt
1 ts kvit peppar
1/2 ts malt eller reven muskatnøtt


Visp ingredienane raskt saman og hell over paien. 
Steikast midt i ovnen på 200 grader i 30 - 35 minutt.

PYNT:
Ruccolasalat
Perletomat


Skjær i porsjonsstykker og pynt med ruccolasalat og perletomat
Kan serverast varm eller kald, så om du har restar til over kan det kanskje vere lunchen dagen etter?

BON APETIT:o)

Muffins med sitronglasur:o)

Begge ungane mine er glade i å kokkelere på kjøkkenet. I går var det Rakel sin tur, og ho valgte   muffins....

INGREDIENSAR MUFFINS:
125 gram romtemperert smør
2 egg
125 gram kveitemjøl
1 ts bakepulver
2 ss mjølk

Rør smør og sukker lyst og luftig. Tilsett eit og eit egg, pisk godt mellom kvar gong. Sikt i dei tørre ingrediensane og rør inn med ein slikkepott. Rør til slutt inn mjølka.

Set muffinsformer på ei langpanne. Legg ca 1 ss røre i kvar form.

Steikast midt i ovnen på 200 grader i 15 - 20 minutt til dei er gyllenbrune. Set muffinsane til avkjøling på rist.

GLASUR:
225 gram melis
1 1/2 ss sitronsaft
1 1/2 ss varmt vatn

PYNT:
Sølvkuler
Non stop
Hjerter
Kakestrøssel


Bre glasuren utover muffinsane og pynt i veg:o)

ENJOY!!
Dei kjempefine muffinsformene har eg fått i trøstepremie av Siv Anita med denne flotte matbloggen!! Kan love at det gjorde lykke i heimen når desse kom i posten;o)