Pastasalat og brytebrød...

Skulle ha lunchbesøk her ein formiddag og hadde funne ei fin oppskrift på nettet. Når eg kom på butikken hadde dei mest ingen av ingrediensane, og dermed var gode råd dyre...Her måtte det improviserast på høgt plan, og resultatet var fylgjande:

INGREDIENSAR for salat til to:
1 hjertesalat
Ein neve ruccolasalat
ca 200 gram fullkorn pasta penne
1 vårløk
1/2 paprika
1 raud chili utan frø
4 små klasetomatar
6 westfaler spekeskinke
Parmesan

FRAMGANGSMÅTE:
Kok pasta penne.
Del opp hjertesalaten og bland med ruccola
Hakk opp vårløken i ringar og bland med salaten.
Avkjøl pastaen og bland inn.
Skjær paprika i bitar og tomatane i ringar som ein delar i to att.Fordel over salaten.
Del chilien i to og skrap ut frøa. Hakk opp i bitar og strø over det øvrige. Riv skinka i passelege bitar og dander over. Riv over parmesan til passeleg mengde.


DRESSING:
2 ss olivenolje
Saft av 1/2 sitron.
1-2 ts balsamicoeddik.
1 klype salt
Litt peppar.
Bland godt og ringle over salaten.


BRYTEBRØD:
50 gram margarin
2 dl mjølk
1 1/2 dl vatn
50 gram gjær
1 ts bakepulver
1 ts salt
ca 1/2 pakke grovbakstmjøl
1 neve havregryn
Kveitemjøl
Smelt margarin og varm mjølk til litt over fingervarme. Slå over i bakebolle og tilsett dei tørre ingrediensane. Bland saman til ei laus deig. Hev til dobbel størrelse.
Tilsett kveitemjøl til deiga er passe smidig. Trill ut bollar som ein set saman til eit rundt/blomsterforma brytebrød. Etterhev.
Steik på midterste rille på 200 grader i ca 25 minutt. 
La avkjøle litt før servering


ENJOY!!

Lunchsalat med nysteikte rundstykker...

Inviterte ei venninne på lunch i dag...og då må ein jo svinge opp med noko god mat;o)
Valget fall dermed på salat med rundstykker, og så kunne ungane velge pålegg sjølv.

SALAT:
Kinakål
Bogskinke
Jarlsbergterningar i marinade
Paprika
Sukkererter
Agurk
Perletomat

Bland saman ei passe stor skål for to.

GROVE RUNDSTYKKER:
50 gram margarin
2, 5 dl vatn
1 dl mjølk
1 pk tørrgjær
1 ts salt
1 ts bakepulver
Grovbakstmjøl

Smelt margarin og tilsett det våte. Varm til litt over kroppstemperatur. Bland til ei smidig deig. La den gjerne vere litt laus. Hev til ca dobbel størrelse.
Trill ut rundstykker og set til etterheving ca 20 minutt.
Steikast på 200 grader midt i ovnen i 15-20 minutt.

Serverast når rundstykka er lunkne...
Ein kan enten bruke marinaden frå osten som dressing, eller ein kan blande eit beger rømme med gresk dressingpulver. Tilsett litt saft frå sylteagurkar!! Mmmm...
ENJOY!!

Pasta med nydeleg tilbehør...

Eg har ein forkjærligheit for tomatbønner som tilbehør til pasta...Dette skriv seg heilt tilbake til 1991 når eg var praktikant for ein liten gut. Denne familien brukte mykje tomatbønner, og dermed måtte det jo prøvast;o) Det smakte over all forventning, og sidan har eg brukt tomatbønner med jamne mellomrom i matlaging.
Dette er ein stor porsjon, men om det vert noko til overs kan det fint frysast og takast opp til ei passande anledning. Restane kan og brukast som base til pizzafyll, gryterett eller ein kan lage ostesmørbrød og ha restane som fyll på smørbrøda...

INGREDIENSAR TIL PASTASAUS:
1 boks cherrytomatar
1 boks tomatbønner
1 liten løk
2 gulerøtter
1-2 fedd kvitløk
1 liten raud paprika
Salt
Peppar
Pastakrydder

FRAMGANGSMÅTE:
Tilsett bønner og cherrytomatar i ei gryte.
Skrell gulerøttene og del dei i strimlar. Del opp løk og paprika. Finhakk kvitløk. Tilsett i gryta.
Kok raskt opp, og slå ned temperaturen. La står og putre ei stund på komfyren. Dersom du vil behalde tomatane heile, så rør minst muleg.
Smak til med salt, peppar og krydder.

Steik kjøttdeig(her har eg brukt kyllingkjøttdeig) og kok den pastaen du ynskjer å bruke. Anrett på tallerken og strø strimla ost over.

BON APETIT!!

Half n`half pizza

Då er det frædda`n!! Her i heimen er helgavasken unnagjort, og vi ventar berre på X-faktor:o)
Til fredagskos kan ein jo gjerne slenge saman ein pizza som passar både små og store ganer (i enkelte heimar er dei små ganane kresnare enn i andre heimar;o)

PIZZADEIG:
5 dl lunka vatn
1-2 ts salt
1 pk gjær
Mjøl til passeleg fast deig.
6 ss pizza-eller olivenolje

Rør saman alle ingrediensane unntatt oljen til ei smidig deig. "Smør" så oljen rundt deigen og set til heving.

FYLL:

1 pk grillpølser

Ketchup

1 pk kjøttdeig

1 lite glas tomatpure

Squash

Paprika

Champignon

Løk

Kvitløk

Purre

Pizzakrydder

Kvitost

Steik kjøttdeig, tilsett tomatpure og litt vatn. Hakk opp løk. Skjær opp squash, champignon, paprika og purre. Finhakk kvitløk. Tilsett alle ingrediensane i kjøttdeigen. Smak til med pizzakrydder og la surre nokre minutt på panna.

Kjevle ut pizzadeigen og tilsett kjøttdeigblandinga på litt over halve pizzaen. Skjær pølser i rundingar. Smør ketchup over deigen og legg tett i tett med pølser.
Set nederst i ovnen på 200 grader. Steik i ca 15 minutt, fordel deretter ost på toppen, Steik vidare i ca 10 minutt. La kvile i 10-15 minutt.

Så er det berre å NYYTE maten og fredagsunderhaldninga:o)

Kyllingfilet med grønnsaksfølge...

Eg er veldig glad i kylling, men det er desverre ikkje resten av hushaldninga:(
Men eg brukar å fryse ned single kyllingfiletar som eg tek opp når dei andre vil ha som eg kan styre mi begeistring for...

INGREDIENSAR:
4 kyllingfiletar
1-2 pakkar wok classic grønnsaker
1 pk pinjekjerner
ca 100 gram ost
Salt
Peppar
Cajennepeppar
2 ss olje
1 ss balsamicoeddik

Bland saman salt, peppar, cajennepeppar, olje og balsamicoeddik. Pensle på kyllingfiletane. Steikast raskt på kvar side, set deretter ned temperaturen og steik vidare nokre minutt til dei er knapt gjennomsteikte.
Wok grønnsakene, og rist pinjekjernene på tørr panne. Anrett grønnsakene på ein tallerken og dryss over pinjekjerner og ost. Her brukte eg vanleg norvegia, som var passe mild på smak. Legg kyllingfilet over og server!!
Rask og sunn kvardagsmiddag for små og store:o)

ENJOY!!

Pannacotta med sjokolade

Pannacotta passar vel eigentleg til mange smakstilsetnader sidan den er så mild i seg sjølv.. Denne gangen valgte eg sjokolade som smakstilsetjing

PANNACOTTAINGREDIENSAR:
6 dl fløyte
1 vaniljestang
1,5 dl sukker
4 plater gelatin

FRAMGANGSMÅTE:
Legg geltinplatene i kaldt vatn i ca  minutt. Skyll dei godt og klem ut vatnet.
Snitt vanilestanga på midten og skrap ut frøa.
Kok forsiktig opp fløyte, sukker, vaniljestang og innhaldet i den. Ta blandinga av plata, ta ut vaniljestanga og rør inn gelatinen. Hell blandinga over i porsjonsglas. Avkølast minst tre timar før servering.

SJOKOLADEINGREDIENSAR:

50 gram smør
50 gram mørk kokesjokolade
2 ss sirup
1/2 ss kakaopulver.

FRAMGANGSMÅTE:
Smelt smøret sakte, tilsett deretter knekt sjokolade og lat denne smelte ned i smøret. Tilsett til slutt sirup og kakaopulver og rør til ein smidig sjokolade.
TIPS: Denne sjokoladen er veldig søt, så erfaringa tilsei at eg med fordel kunne brukt mykje mindre sukker i sjølve pannacottaen. Eit par ss hadde sannsynlegvis vore tilstrekkeleg:0)
ENJOY!!

Lun viltgryte

No er hausten over oss. Hausten med dei vakre fargane, den klare lufta og no er og tida inne for grytemat:o)
Når Mamma var på besøk laga eg viltgryte og oppskrifta er som fylgjer:

INGREDIENSAR:
500 gram reinsdyrskav
150 gram sopp.(No brukte eg champignon, men kan tenke meg at det er godt med kantarell og)
2-3 gulerøtter(avhengig av størrelse)
1 løk
3 dl fløyte
Brunost
Salt
Peppar
Einebær
Grasløk

Halvtin reinsdyrskavet og smørsteik raskt i panne. Slå fløyte over. Skjær soppen i skiver. Skrell og strimle gulerøttene. Kutt opp løken. Tilsett i gryta. Skjær av ca fem remser  med brunost og legg i(i mange oppskrifter er det geitost, men sidan ingen i heimen likar det har eg alltidt brukt fløytemysost, og med godt hell)
Salte og pepre. Tilsett fem-åtte støytte einebær. La gryta putre til kjøttet vert mørt...
Legg opp på tallerken og strø over litt grasløk.
Server med kokte poteter og tyttebærsyltetøy(Aller helst rørt)

ENJOY!!